ilo utala mute en mije
mi kalama musi e ilo utala mute e mije. ona li kama tan ma tomo Toja tawa ma Italija en ma pi jan Lawinija. ale li wile e ni: mije ni li wile tawa.
pakala mute lon ma en lon telo li kama tawa ona tan wile pi jan sewi mute en ni: jan sewi Juno utala li pilin ike mute li sin e pilin ike.
ona li wile pali e ma tomo li wile pana e jan sewi ona mute tawa ma tomo Lasio la pakala mute lon utala kin li kama tawa ona.
jan pi ma Lasino en mama mute pi ma tomo Apalonja en tomo lipu kiwen pi ma tomo Loma li kama tan ni.
jan sewi musi o toki tawa mi e tan mute. pakala seme pi wawa sewi ona en pilin ike tan seme la meli lawa pi jan sewi li pali e ni: pakala mute kin en ijo mute kin ike li kama tawa jan ni pi nasin pona?
lawa pi jan sewi li ken ala ken jo e pilin ike ni a?
